Hira malahelo...

 

MOFO TANTELY

 

Lafarinina 1 kg 
Leviora 1 kg 
Tantely 250g 
Sira
Menaka

 

Hitako omaly ireo zanakao,

Tao an-tokotany tao nilalao.

 

 

Ataovy ao anaty vilia jobo ny lafarinina.

Araraho ny leviora miaro rano matimaty iray vera.

 

 

 

 

Hitondra bônbôn ve izaho sa sôkôla
Ho an'ny zanakao mianadahy.

 

 

Asio sira dia volavolao amin'ny tanana mandra-paha malemy ny paty.Saromana lamba dia avela mipetraka eo adin'ny telo.                           

 

 

Mitovy aminao ikalavavinao
Tahafiny ireo masonao

 

 

Rehefa vita ny adin'ny telo dia anapaho tsikelikely ny paty.                 Ataovy boribory ohatran'ny peratra.             

 

 

 

Ilay lahy kosa maherihery setra
Mitovy taminao naditraditra

                                                         

 

Arotsahy anaty menaka mafana.                                                      

     Tonga dia hafanao anaty lapoaly ny tantely.                                                        

 

Hitako omaly koa ilay vadinao
Izy angamba mahafinaritra

 

 

Rehefa milokom-bolamena iny ilay mofo dia arotsahy anaty tantely.      Aza atao ela fa sao mamy loatra.

 

 

Niafona aho anefa toy ny mpangalatra
Ny marimarina izaho menatra 

 

 

Apetraho anaty vilia avy eo.

 

 

tsy hifanatrika aho tsy handroso
fa  ianareo roa ho ambinin-tsoa

 

Ary avelao hangatsiaka vetivety.

 

 

 

Tsaroako ianao fahiny
mihinana mofo  tantely

 

 

Dia iarahanareo roa mihinana ...

 

 

Ity vetsovetso ataoko androany ity.
Ho anao ilay tsy lany mamy...