Asa izay raha tsapany....

 

 

 

 

Hafahafa ho'aho ny tontolon'izy iny

Zakaranda mipoapoaka
Fonfon-tany mando no mba tiany
Rehefa volana Oktobra 

Orana mitendry ny fanitso
Izay no hira tiany indrindra
Ilay masoandro mody hamonjy ampitso
Sinemany takariva

 

... 

 

Fa nitoetra teo iny fitiavako iny
Tsy mba nisy resa-be
Arahaba iray, tsiky no nidify

Dia samy lasa nandeha

Samy mba nanohy ny eritreriny any
Ny azy aloha tsy fantatro
Fa ny ahy niova hira ihany

 

 

Asa izay raha tsapany...

 

 

Zakarandà, Lolo sy ny Tariny

 

Bonbô gasy...

 

Bonbô mantsy misy loko maro
Ho enti-mahatsiaro ireo zava-maro nataonao taloha
Bonbo mantsy mba voninkazo koa...
 

 

 

 

Bonbô mantsy
Maharitra am-bava
Mora mampisavava ny ngidin'ny fiainana efa mankalao!
Bonbo mantsy no solon-tsigara...

 

 

 

Bonbô mantsy
Zaraina aminao
Toa tsy mankalao fa mamy daholo izao tontolo izao
Bonbo mantsy mba fifaliana koa...

 

 

 

Bonbô mantsy
Raha sendra ka very
Tsy maha-te-hijery ireo masonao efa nanantena
Bonbo mantsy mba fahoriana koa...